Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
AC හීතල සමඟ එන ලෙඩ
  08-06-2019, 04:25 AM
#1
AC හීතල සමඟ එන ලෙඩ
හරි රස්නෙයි” “නෑ සීතලයි” “රස්නෙයි....” “අපට සීතලයි...” "මොනවා සීතලයි? “ඔව් අපිට සීතලා.......යි”
බොහෝදෙනෙක් එතරම් නොතැකුවත් මෙවන් සීත, උණුසුම් ගැටුම් හැමතැනම. මේ කුමනාකාරයේ ගැටුමක් කියාද ඔබ සිතන්නේ?

එක් එක් කෙනාට වෙන්වූ උණුසුමක් ශ්‍රී ලංකාව උණුසුමින් වැඩි රටක් නිසා අපගේ කායික වෙහෙසට එය හේතුවකි. එමෙන්ම පුද්ගලයකු යම්කිසි කාර්යයක නිරත වීමේදී සිරුරින් යම්කිසි ශක්තියක් වැය වෙයි. ඒ හේතුවෙන්ද පුද්ගලයකුගේ සිරුරට වෙහෙසක් දැනෙයි

මෙවන් හේතු නිසා එක් එක් පුද්ගලයාට වෙන් වෙන් වූ එමෙන්ම තමන්ට වඩා සුව පහසුවක් දැනෙන උෂ්ණත්වයක් තිබේ.
සාමාන්‍යයෙන් පුද්ගලයෙකුට වැඩ කිරීමට පහසු පරිසර උෂ්ණත්වයක් ලෙස ලෙස සලකනුයේ සෙන්ට්ග්‍රේඩ් අංශක 26, 27 වැනි මට්ටමක තිබෙන උණුසුමකි.

ඒ නිසා තද සීතල හෝ දැඩි රස්නයකින් තොරව වැඩකළ හැකි වටපිටාවක සිටීම මිනිස් සිරුරට හිතකර සේම ඔහු වඩා කාර්යයක්ෂම පුද්ගලයකු බවට පත් කිරීමටද එය හේතුවකි.


ආසාදනවලට වැඩි ඉඩක්

වායුසමනය කරන ලද කුටියකින් වාතය ඉවතට ගමන් කිරීමක් සිදු නොවන නිසා බෝවන රෝගයකින් පෙළෙන පුද්ගලයකු වේ නම් එහි පැතිරීම වේගවත් විය හැකියි.
වායුසමනය කරන ලද කාමරවල සිටින බොහෝදෙනෙකුට හෙම්බිරිස්සාව, පීනස වැනි අසාත්මික ප්‍රතික්‍රියාවන් ඇතිවිය හැකියි. එමෙන්ම උගුරේ තිබෙන නොයෙක් බැක්ටීරියා තද සීතල පරිසරයකදී වර්ධනය විමක් වන නිසා පුද්ගලයින් විවිධ ආසාදනවලට ගොදුරු විය හැකියි.
විශේෂයෙන්ම ස්වසන පද්ධතියේ ආසාදන වැඩි වීමට මෙය හේතුවක් වශයෙන් හඳුනාගෙන තිබේ. එයට හේතුව මෙයයි. වායුසමන යන්ත්‍රවල සවිකර තිබෙන Filter හෝ එවැනි වෙනත් කොටස් ආශි‍්‍රතව විවිධ ක්ෂුද්‍ර ජීවින් හා වෙනත් පුස් වර්ගවල වර්ධනයක් සිදුවේ.

ඒවා කාමරය තුළ සංසරණය වී අපගේ හුස්ම සමඟ පහසුවෙන් සිරුරට ඇතුළු වෙයි. එමඟින් පුද්ගලයකු ඉතාම පහසුවෙන් ස්වසන පද්ධතිය ආශි‍්‍රත ආසාදනවලට ගොදුරු විය හැකිය. මෙවැනි තත්ත්වයකදී ඇදුම හෝ වෙනත් දීර්ඝකාලීන ස්වසන ආබාධ උග්‍ර වීමෙන් බරපතල තත්ත්ව දක්වා වර්ධනය වීමේ හැකියාවක් සහිතය.

අහිතකර තත්ත්ව
දැඩි උණුසුමකදී මෙන්ම දැඩි සීතලකදීත් සිරුරේ ජලය පිටතට වාෂ්ප වීමක් සිදුවේ. මේ හේතුවෙන් උපරිමයෙන් වායුසමනය කරන ලද කාමරයක සිටීමේදී සම වියළීමට ලක්වන අතර ඒ හේතුවෙන් සමේ ඇදෙන සුළුභාවය (Elasticity) අඩුවේ.

සුලබ රෝග ලක්ෂණ
කෙටි හුස්ම ගැනීම, කැස්ස, නාසයෙන් සොටු දියර ගැලීම ආදිය මෙවැනි තත්ත්වයකදී සුලබව දැකිය හැකි වේ.
මෙහි සුවිශේෂත්වය නම් නිරෝගී පුද්ගලයකු පවා ඉතාමත් පහසුවෙන් මෙවැනි ආසාදනවලට ගොදුරු වීමේ හැකියාවක් තිබීමයි. වායුසමනය කරන ලද කාමරයක තිබෙන මල් පරාග, පුස්, සතුන්ගේ ලොම් ආදියද කාමරය තුළම සංසරණය වන අතර මේ සමහර දේ ඇසට නොපෙනෙන සුළුය.

මෙය ස්වසන පද්ධතියේ මෙන්ම හෘද වස්තුවේ ගැටලු ඇති පුද්ගලයින්ට අහිතකර ලෙස බලපෑ හැකිය. විශේෂයෙන් බැක්ටීරියාවක් මඟින් පැතිරෙන Legionnaires disease රෝගය ඉතා ඉක්මනින් මෙවැනි පරිසරයක් තුළ පැතිරී යා හැකිය.

එමෙන්ම මෙවන් විසබීජ සංසරණය වීම හේතුවෙන් ශ්ලේෂ්මල පටලවල ආසාදන ඇතිවිය හැකිය.

මෙවන් වායුසමනය කරන ලද කුටි පිරිසිදු වාතාශ්‍රයෙන් දුප්පත්ය. එබැවින් බිම අතුරා තිබෙන කාපට්වල තිබෙන හෝ වෙනත් ඇසට නොපෙනෙන, දහස් ගණන් විසබීජ හේතුවෙන් “සික් බිල්ඩිං සින්ඩ්‍රෝම්” ලෙස හඳුන්වන තත්ත්වයෙන් එනම්, රැකියා ස්ථානවලදී පුද්ගලයින් විවිධ ආසාදනවලට ගොදුරු වීමේ හැකියාව ඉහළය.




විශේෂඥ වෛද්‍ය 
චම්පිකා අමරසිංහ
අධ්‍යක්ෂ ජනරාල්
ජාතික වෘත්තිය සුරක්ෂිතතා හා සෞඛ්‍ය ආයතන
  08-06-2019, 10:55 AM
#2
Thanks for sharing
  08-06-2019, 01:31 PM
#3
මරු මචං....
We don't know everything
in this world
  08-06-2019, 04:22 PM
#4
sirawatama watin dhewal tikak bn. Thanks! Big Grin
  08-07-2019, 04:02 AM (This post was last modified: 08-07-2019, 04:03 AM by holmantora.)
#5
(08-06-2019, 04:22 PM)TeshanK Wrote: sirawatama watin dhewal tikak bn. Thanks! Big Grin
Ela BocCa

(08-06-2019, 10:55 AM)iMadusanka Wrote: Thanks for sharing
Ela

(08-06-2019, 01:31 PM)zeal7 Wrote: මරු මචං....
thankz BocCa
  08-08-2019, 12:33 PM
#6
TFS.. Smile
<>
.:: [Induwara Uthsara] :: [රතු කුරුල්ලා] ::.
</>



Users browsing this thread: 2 Guest(s)